Dermed blir det samla volumet summert til 94,2 milliardar kubikkmeter frå norsk sokkel til mottaksterminalar i Tyskland, Belgia, Frankrike og Storbritannia, skriv aftenbladet.no.
Dette er likevel ei kolossal energimengd . 94,2 milliardar kubikkmeter gass tilsvarar 1099 twh elektrisk strøm. Dette er ca åtte gonger så mykje som heile den norske strømproduksjonen basert på vasskraft gjennom eit heilt år.
Lang vekst
- Ein nedgang på vel tre prosent i norsk gasseksport gjennom røyr er likevel ingen dramatisk reduksjon, seier administrerande direktør i Gassco, Brian Bjordal.
Han peikar på at norsk gassproduksjon nå er komen opp på eit slags platånivå. Dei siste ti åra har norsk eksport auka med 80 prosent.
Få nye felt
- Me har vore vane med sterk auke i eksportert volum frå år til år ettersom nye store felt er sett i produksjon. I 2011 kom ingen nye store felt i full produksjon. Gjøa-feltet hadde visse startvanskar medan Skarv-produksjonen er utsett. Troll-feltet hadde omfattande revisjonsstans. Dertil er gasseksporten påverka av temperaturtilhøva i kjøparlanda i Europa og av den generelle økonomiske stoda, seier Bjordal.
Motta nyhetsbrev
